നാം എന്നും ചുറ്റില്‍ കേള്‍ക്കാത കേള്‍ക്കുന്ന ചില സിനിമാക്കാരുടെ ജലപനങ്ങള്‍ വായിക്കാം.
കഥ ഇഷ്‌ടമായാല്‍ എന്തു വിട്ടുവീഴ്‌ചയ്‌ക്കും തയാര്‍ - കുഞ്ചാക്കോ ബോബന്‍
എങ്കിലിനി `ഒടുക്കത്തെ വീഴ്‌ചയാകും'
സ്വന്തം ബിസിനസ്‌ വന്‍ നഷ്‌ടത്തിലാണെന്ന്‌ എപ്പോഴും പറയുന്ന രണ്ടു വിഭാഗക്കാരേയുള്ളൂ. ഒന്ന്‌ സ്വകാര്യബസുടമകള്‍ മറ്റൊന്ന്‌ സിനിമാക്കാര്‍. എന്നിട്ടും ധാരാളം ബസുകള്‍ ഇറങ്ങുന്നു. സിനിമകളും - അമല്‍ നീരദ്‌
രണ്ടും പറ്റിക്കല്‍ പ്രസ്‌ഥാനമാണല്ലോ?
ഞാന്‍ പഠിച്ചത്‌ സൈക്കോളജിയാണ്‌. അതുകൊണ്ട്‌ എല്ലാവരെയും ഒബ്‌സര്‍വ്‌ ചെയ്യാന്‍ എനിക്ക്‌ കഴിയാറുണ്ട്‌ - സജി സുരേന്ദ്രന്‍
ഒബ്‌സര്‍വേഷന്റെ റിസള്‍ട്ടൊന്നും കാണുന്നില്ലല്ലോ?
അഭിനയിക്കുന്നതില്‍ ഭര്‍ത്താവിന്‌ എതിര്‍പ്പില്ല - നവ്യാനായര്‍
അല്‌പം സമാധാനം ആഗ്രഹിക്കുന്നുണ്ടാവും.
കാവ്യ വിദേശത്തായിരുന്നപ്പോള്‍ ദിവസവും ഞാന്‍ അവളുമായി ചാറ്റ്‌ ചെയ്യുമായിരുന്നു എന്ന ആരോപണം കേട്ടപ്പോള്‍ മഞ്‌ജു പൊട്ടിച്ചിരിച്ചുപോയി. ഈയിടെ ബ്ലാക്‌ബെറി ഫോണ്‍ വാങ്ങിയതിനുശേഷമാണ്‌ ഒരു ഇമെയില്‍ അയയ്‌ക്കാന്‍പോലും ഞാന്‍ പഠിച്ചത്‌ - ദിലീപ്‌
അയ്യോ... പാവം
സൂപ്പര്‍ സ്‌റ്റാറുകളായ മമ്മൂട്ടിസാറിന്റെയും മോഹന്‍ലാല്‍ സാറിന്റെയും സിനിമ കാണാറുണ്ട്‌ - വിജയ്‌
പ്രായം അഭിനയത്തിന്‌ ഒരു പ്രശ്‌നമല്ല എന്ന തോന്നലുണ്ടാവാന്‍ ഇത്‌ നല്ല ശീലമാണ്‌.
ത്രില്ലറിലൂടെ എനിക്ക്‌ കിട്ടിയത്‌ വളരെ പവര്‍ഫുള്ളായ കഥാപാത്രമാണ്‌ - പൃഥ്വിരാജ്‌
അല്ലെങ്കിലും `പവറിനു' കുറവില്ലല്ലോ?
പ്രതിസന്‌ധി എന്ന വാക്ക്‌ ഞാന്‍ 19 കൊല്ലമായി കേള്‍ക്കുന്നതാണ്‌ - ദിലീപ്‌
ഇപ്പോള്‍ ജീവിതത്തില്‍ സംഭവിക്കുന്നതും അതല്ലേ?
കഴിഞ്ഞ മൂന്നുവര്‍ഷമായി എന്റെ വ്യായാമം ഡാന്‍സാണ്‌ - പാര്‍വ്വതി
നെയ്യൊക്കെ ഉരുകുന്നതിന്‌ ഡാന്‍സ്‌ ബെസ്‌റ്റാ... കീപ്‌ ഇറ്റ്‌അപ്പ്‌.
അഞ്ചാറു കാര്യങ്ങള്‍ ഞാന്‍ ഈസിയായി പാചകം ചെയ്യാറുണ്ട്‌. മുട്ട പുഴുങ്ങും ചായയും കോഫിയും ഉണ്ടാക്കും - റെയ്‌മ സെന്‍
പപ്പടം കാച്ചാനുംകൂടി പഠിച്ചാല്‍ എല്ലാം പൂര്‍ത്തിയായി.
ലൊക്കേഷനില്‍ ആണെങ്കിലും വ്യായാമം മുടക്കാറില്ല. സിക്‌സ്‌ പായ്‌ക്കിലൊന്നും എനിക്ക്‌ താല്‌പര്യമില്ല - ജയറാം
ആയകാലത്ത്‌ ശ്രമിച്ചില്ല... പിന്നയാ അവസാനകാലത്ത്‌
ബിക്കിനിയില്‍ സ്‌ത്രീകളെ കണ്ട്‌ ആളുകള്‍ക്ക്‌ മടുത്തു എന്നറിയുന്നതില്‍ സന്തോഷമുണ്ട്‌. - വിദ്യാബാലന്‍
പിന്നെ, കൊക്കെത്ര കുളം കണ്ടതാ...
വസ്‌ത്രങ്ങളടങ്ങിയ മൂന്ന്‌ പെട്ടികളുമായി ഞാന്‍ ലോകം ചുറ്റുന്നു. എനിക്ക്‌ മേല്‍വിലാസമില്ല - ഫ്രിദ പിന്റോ
`സഞ്ചാരി' ഫാമിലിയാണല്ലേ?
പരാജയങ്ങളുടെ കാലത്ത്‌ പെരുവഴിയിലാക്കി കടന്നുപോയവരെ ഞാന്‍ ഓര്‍ക്കുന്നേയില്ല - പ്രിയദര്‍ശന്‍
സ്‌മരണവേണം, സ്‌മരണ...
സത്യന്റെ അഭിനയം എല്ലാക്കാലത്തെയും കലാകാരന്മാര്‍ക്ക്‌ ഒരു പാഠപുസ്‌തകമാണ്‌ - മമ്മൂട്ടി
ഇപ്പോഴത്തെ സിലബസില്‍ ആ പാഠപുസ്‌തകം ഉള്‍പ്പെടുത്തിയിട്ടില്ല.
രാഷ്‌ട്രീയത്തെക്കുറിച്ച്‌ വളരെ നല്ല ദിശാബോധമുള്ള ഏകസിനിമാക്കാരന്‍ ഞാന്‍ മാത്രമാണെന്നാണ്‌ പലരും പറയുന്നത്‌ - സലിംകുമാര്‍
`പലരും' എന്നതുകൊണ്ട്‌ ഉദ്ദേശിക്കുന്നത്‌ വീട്ടിലുള്ളവരെയാണോ?
ഒരു ടെന്‍ഷനില്ലാതെ സ്വന്തമായി ചിന്തിക്കാന്‍ എനിക്കിപ്പോള്‍ കഴിയുന്നത്‌ പാട്ടില്‍ ശ്രദ്ധിക്കാന്‍ തുടങ്ങിയതിനുശേഷമാണ്‌ - സുരേഷ്‌ ഗോപി
പാട്ട്‌ കേള്‍ക്കുന്നവന്‌ അത്‌ കഴിഞ്ഞ്‌ ടെന്‍ഷന്‍
എന്റെ മനസ്സില്‍ നല്ലത്‌ എന്ന്‌ ബോധ്യപ്പെടുന്ന സിനിമമാത്രമേ ഞാന്‍ ചെയ്യുകയുള്ളൂ - അനൂപ്‌ മേനോന്‍
അതിന്‌ ഇനി ഒരുപാട്‌ കാലം വേണ്ടിവരുമല്ലോ?
തമിഴ്‌ സിനിമയില്‍ എന്റെ തരംഗം അവസാനിച്ചുവെന്ന്‌ പറയുന്നത്‌ വെറും വിഢ്‌ഡിത്തം മാത്രം. സത്യം പറഞ്ഞാല്‍ എനിക്ക്‌ ശ്വാസംവിടാന്‍പോലും സമയമില്ല - തമന്ന
എങ്കില്‍പ്പിന്നെ `വലിവിന്റെ ആരംഭമായിരിക്കും'
മലയാളിയുടെ അമിതഭക്‌തിയും ആള്‍ദൈവ ആരാധനയും മദ്യപാനാസക്‌തിയുമാണ്‌ `ഭക്‌തജനങ്ങളുടെ ശ്രദ്ധയ്‌ക്ക്‌' എന്ന ചിത്രത്തിലൂടെ വിചാരണ ചെയ്യപ്പെടുന്നത്‌ - പ്രിയനന്ദനന്‍
സിനിമകാണല്‍ എന്നന്നേക്കുമായി അവസാനിപ്പിക്കേണ്ടിവരുമോ?
മലയാളികള്‍ ഭാഗ്യവാന്മാരാണ്‌ കേരളത്തിലെ ക്ഷേത്രങ്ങളും വാസ്‌തുവിദ്യയും കാവുകളുമൊക്കെ എന്നെ ശരിക്കും സ്വാധീനിച്ചു. ചമ്പാവരിചോറ്‌, അവിയല്‍, കാളന്‍, അപ്പം, പുട്ട്‌ കേരളത്തിന്റെ രുചിയും ഇഷ്‌ടമായി - മല്ലിക ഷെരാവത്ത്‌
സകല `കെടുതികളും' അവസാനം കേരളത്തിലേക്ക്‌...
ആവശ്യമില്ലാതെ ടെന്‍ഷനടിക്കാറില്ല. കുട്ടികളുടെ കാര്യത്തിലെ അല്‌പമെങ്കിലും ടെന്‍ഷനുള്ളു. - റഹ്‌മാന്‍
പണിയൊന്നും ഇല്ലാതെ ചുമ്മാ ഇരുന്നാല്‍ ഇതാണ്‌ ...
തിലകന്‍ മലയാള സിനിമയുടെ ശാപമാണ്‌. അദ്ദേഹത്തോടൊപ്പം ഇനി ഒരു ചിത്രത്തില്‍പോലും അഭിനയിക്കില്ല - ക്യാപ്റ്റന് രാജു
ക്യാപ്റ്റന് ആരെയാ പേടി?
പഴശ്ശിരാജയില്‍ ഞാന്‍ അഭിനയിക്കാന്‍ വിസമ്മതിച്ചെങ്കിലും കിംഗ്‌ ആന്‍ഡ്‌ ദി കമ്മീഷണര്‍ എന്ന മമ്മൂട്ടി ചിത്രത്തില്‍ കമ്മീഷണറായി ഞാന്‍തന്നെ അഭിനയിക്കും - സുരേഷ്‌ഗോപി
മമ്മുട്ടിയോട്‌ `ഓര്‍മ്മയുണ്ടോ ഈ മുഖം' എന്ന്‌ ചോദിക്കാന്‍ മറക്കരുത്‌...
എനിക്കും മമ്മൂട്ടിക്കും ഇടയില്‍ പ്രതിഫലം മുതല്‍ ഒന്നും വിഷയമാകുന്നില്ല - രഞ്‌ജിത്ത്‌
പ്രേക്ഷകന്‌ `പൈസ' ഒരു വിഷയമാണ്‌.
ബോളിവുഡിലെ സൂപ്പര്‍ഖാന്‍മാര്‍ എന്റെ ആരാധനാപാത്രങ്ങളാണ്‌. ഞാന്‍ അവരെ ബഹുമാനിക്കുന്നു. ഇഷ്‌ടപ്പെടുന്നു. ഭാവിയില്‍ അവരുടെ സ്‌ഥാനത്തേക്കുയരാനുള്ള തീവ്രയത്‌നത്തിലാണ്‌ ഞാന്‍ - സെയ്‌ഫ്‌ അലിഖാന്‍
ഉപ്പോളം വരുമോ ഉപ്പിലിട്ടത്‌?
എന്റെ സുഹൃത്തും ഫിലോസഫറും വഴികാട്ടിയുമാണ്‌ ശശിതരൂര്‍ ഞങ്ങള്‍ പരസ്‌പരം ഒരുപാട്‌ അറിവുകള്‍ കൈമാറുന്നു - സുനന്ദ പുഷ്‌കര്‍
ഈ പ്രായത്തില്‍ ഇതല്ലേ പറ്റൂ?
ഷൂട്ടിങ്‌ ഇടവേളയില്‍ വീട്ടില്‍ പാചക പരീക്ഷണങ്ങളുമായി കഴിയാനാണ്‌ എനിക്കിഷ്‌ടം - സുചിത
നല്ലകാര്യമാ.... കുറച്ചുകഴിഞ്ഞ്‌ ഉപകാരപ്പെടും.
എന്താ ഞാന്‍ ജോണിനെക്കുറിച്ച്‌ പറയേണ്ടത്‌. എന്റെ എല്ലാമാണ്‌ ജോണിപ്പോള്‍ - മീരാ വാസുദേവ്‌
തുടര്‍ന്നും ഇങ്ങനെയായാല്‍ മതിയായിരുന്നു.
പ്രാഥമിക കളക്‌ഷനില്‍ അന്‍വര്‍ എന്ന സിനിമ രജനീകാന്തിന്റെ യന്തിരനേക്കാള്‍ മുന്നിലാണ്‌ - അമല്‍ നീരദ്‌
ഉവ്വുവ്വെയ്‌... ഇങ്ങനെയാണെങ്കില്‍ കുറച്ച്‌ കിട്ടിക്കാണും.
എന്റെ മക്കള്‍ ഒരിക്കലും സിനിമയില്‍ വരരുതെന്ന്‌ ആഗ്രഹിച്ച ആളാണ്‌ ഞാന്‍ - അഗസ്‌റ്റിന്‍
അനുഭവം ഗുരു
ഒരു കഥാപാത്രം കിട്ടിയാല്‍ വളരെപെട്ടെന്ന്‌ അതിലേക്ക്‌ സ്വിച്ച്‌ ഓണ്‍ ചെയ്യാന്‍ കഴിയുന്നു - കൈലാഷ്‌
വോള്‍ട്ടേജ്‌ കുറവാണെന്നു മാത്രം
ഇവിടെവരെ എത്തുമെന്നോ ഇത്രയൊക്കെ ആയിത്തീരുമെന്നോ പ്രതീക്ഷിച്ചതല്ല - റിമ കല്ലുങ്കല്‍
എവിടെവരെ? എത്രയൊക്കെ?
എന്റെ സിനിമകള്‍ കാണാന്‍വേണ്ടി മാത്രം തിയറ്ററിലെത്തുന്ന ആളുകളുണ്ട്‌ - ലാല്‍
ഒന്നോ രണ്ടോ ആളുകളുണ്ട്‌ എന്നുപറയൂ.
മരിച്ചുപോയ എന്റെ അച്‌ഛന്റെ സ്‌ഥാനത്തായിരുന്നു ലോഹിസാറിനെ ഞാന്‍ കണ്ടത്‌ - ഭാമ
പിന്നീട്‌ തിരിഞ്ഞുനോക്കാത്തത്‌ അതുകൊണ്ടാണോ?
അച്‌ഛന്‌ ആധാരമെഴുത്താണ്‌. ആധാരമെഴുത്തിന്റെ കാര്യങ്ങള്‍ എനിക്കും കുറേശ്ശെ അറിയാം - അനന്യ
അച്‌ഛനെ `വഴിയാധാര'മാക്കരുത്‌.
കൊച്ചുകുട്ടികള്‍ക്ക്‌ എന്നെ വലിയ ഇഷ്‌ടമാണ്‌. `നീലത്താമര'യിലെ ഹരിദാസ്‌ മാമന്‍ എന്നാണ്‌ അവര്‍ വിളിക്കുക - കൈലാഷ്‌
`മാറ്റി വിളിപ്പിക്കാതിരുന്നാല്‍ കൊള്ളാം...'
ഹര്‍ഭജന്‍ എനിക്കിപ്പോള്‍ മൂത്ത സഹോദരനെപ്പോലെയാണ്‌ - ശ്രീശാന്ത്‌
കിട്ടേണ്ടത്‌ കിട്ടിക്കഴിഞ്ഞാണോ?
ഞാന്‍ ഏറ്റവും കൂടുതല്‍ പശ്‌ചാത്തപിക്കുന്നത്‌ അന്ന്‌ ശ്രീശാന്തിനെ അടിച്ച സംഭവമാണെന്ന്‌ പിന്നീട്‌ പലപ്പോഴും വ്യക്‌തമാക്കിയിട്ടുണ്ട്‌ - ഹര്‍ഭജന്‍ സിംങ്‌
ഒരു നല്ല കാര്യത്തിനല്ലേ... പോട്ടെ, വിട്ടുകള...
ബാഹ്യമായി ദര്‍ശിക്കുന്നതോ കരുതുന്നതോ ആയ ഇമേജില്‍നിന്ന്‌ വിഭിന്നമാണ്‌ നയന്‍താരയുടെ സ്വഭാവം - പ്രഭുദേവ
ആന്തരികം കണ്ടവനേ ഇത്‌ പറയാനാവൂ.
ഇനിയൊരു വിവാഹത്തെപ്പറ്റി ഈ നിമിഷംവരെ ചിന്തിച്ചിട്ടില്ല - ഉര്‍വശി
അടുത്തനിമിഷം ചിന്തിക്കാവുന്നതാണ്‌.
ജര്‍മ്മന്‍ ഫിലിം സ്‌കൂളില്‍പഠിച്ച്‌ തിരിച്ച്‌ ഫ്‌ളൈറ്റില്‍ വരുമ്പോഴാണ്‌ വേള്‍ഡ്‌ ട്രേഡ്‌ സെന്റര്‍ ദുരന്തം ഞാനറിഞ്ഞത്‌ - അമല്‍ നീരദ്‌
ഹോളിവുഡില്‍വച്ച്‌ സ്‌പില്‍ബര്‍ഗിനെ സംവിധാനം പഠിപ്പിച്ചു മടങ്ങുമ്പോഴല്ലേ ബര്‍ലിന്‍ മതില്‍ തകര്‍ന്നത്‌ അറിഞ്ഞത്‌?
രാഷ്‌ട്രീയ പാര്‍ട്ടി എന്ന നിലയില്‍ കൂടുതല്‍ സ്‌നേഹിച്ചത്‌ കോണ്‍ഗ്രസിനെ ആയിരുന്നു - അഴീക്കോട്‌
അക്കാലത്തെ രണ്ടു പ്രേമലേഖനം കിട്ടിയിരുന്നെങ്കില്‍ പ്രസിദ്ധീകരിക്കാമായിരുന്നു.
നിര്‍മ്മാതാവിനെയും പ്രേക്ഷകരെയും തൃപ്‌തരാക്കുകയാണ്‌ എന്റെ ലക്ഷ്യം - രാജസേനന്‍
ഇതുവരെ സാധ്യമാകാത്തത്‌ ഇനി നടക്കുമോ?
എന്റേത്‌ ഒരു പ്രണയവിവാഹമായിരിക്കില്ല - രമ്യ നമ്പീശന്‍
വണ്‍വേ പ്രണയം വിവാഹത്തിലെത്താറില്ല കുട്ടി
ഇന്‍ഡസ്‌ട്രിയിലെ എല്ലാവരും ഇന്ദ്രജിത്ത്‌ നല്ല നടനാണെന്ന്‌ പറയും - ഇന്ദ്രജിത്ത്‌
പ്രേക്ഷകര്‍ മാത്രമാണ്‌ അത്‌ പറയാത്തത്‌
ഒരു പടത്തിലെങ്കിലും അഭിനയിക്കണം പൊട്ടപ്പടമായാലും - ശ്രീശാന്ത്‌
ഇതിനെയാണ്‌ നിലവാരത്തകര്‍ച്ച എന്നുപറയുന്നത്‌.
മലയാള സിനിമയുടെ ബ്രാന്‍ഡ്‌ അംബാസിഡര്‍ പദവി ഞാന്‍ സ്വപ്‌നം കാണുന്നു - പൃഥ്വിരാജ്‌
വല്ലാത്തൊരു കാഴ്‌ചയായിപ്പോയി.
സൗന്ദര്യമുള്ള ഒരു പുരുഷനെയും ഞാന്‍ ഇന്നുവരെ കണ്ടിട്ടില്ല - രഞ്‌ജിനി ഹരിദാസ്‌
കാഴ്‌ചക്കുറവുണ്ടോ?
എല്ലാവര്‍ക്കും ബോധ്യമാകുന്ന സിനിമകള്‍ മാത്രമേ ഏറ്റെടുക്കൂ - മോഹന്‍ലാല്‍
അപ്പോള്‍ അഭിനയം നിര്‍ത്താന്‍ പോവുകയാണോ?
ധോണിയും സാക്ഷിയും തമ്മിലുള്ള പ്രണയം എനിക്കറിയാമായിരുന്നു - ലക്ഷ്‌മി റായ്‌
പോയത്‌പോയി ഇനി പറഞ്ഞിട്ടെന്തു കാര്യം
ഒരാര്‍ട്ടിസ്‌റ്റിനെ സംബന്‌ധിച്ച്‌ ശരീരം സൂക്ഷിക്കേണ്ടത്‌ അവരുടെ കടമയാണ്‌ - നയന്‍താര
ശരീരമുണ്ടെങ്കിലല്ലേ കാര്യം നടക്കൂ.
തന്നെപ്പോലൊരു കലാകാരനെ കൊന്ന കൊലപാതകികളാണ്‌ അമ്മയും ഫെഫ്‌കയും - തിലകന്‍
കൊന്ന പാപം തിന്നാല്‍ തീരുമോ?
കല്യാണം കഴിച്ചത്‌ വിവാഹമോചനത്തിനല്ല - നിഷാല്‍ചന്ദ്ര (നടി കാവ്യാമാധവന്റെ ഭര്‍ത്താവ്‌)
വിശ്വാസം അതല്ലേ എല്ലാം
എനിക്ക്‌ അമിതമായി ഒന്നും ദൈവം തന്നില്ല. ഈ തടി ഒഴിച്ചാല്‍ - മധു
ഉള്ളത്‌ കാതലല്ലേ
കുഞ്ഞുങ്ങളുടേതുപോലെ കളങ്കമില്ലാത്ത മനസ്സാണ്‌ എന്റേത്‌ - സുരാജ്‌ വെഞ്ഞാറമൂട്‌
തിരിച്ചറിവായില്ല
എനിക്ക്‌ ജീവിതം മനസിലാകുന്നില്ല. ആള്‍ക്കാരെയും മനസിലാകുന്നില്ല - കാവ്യാ മാധവന്‍
എന്താ സംഭവിച്ചേ? ആരാ പടക്കം പൊട്ടിച്ചേ? ഇന്ന്‌ വിഷുവാ?
അള്‍ട്ടിമേറ്റ് വെടി
സിനിമയില്‍ സീരിയസ്‌ കഥാപാത്രങ്ങളെ അവതരിപ്പിച്ചിട്ടുണ്ട്‌. എന്നാല്‍ ഈ സിനിമയില്‍ കോമഡിയാണ്‌ ഞാന്‍ ചെയ്യുന്നത്‌ - രാജ്‌മോഹന്‍ ഉണ്ണിത്താന്‍
ഇത്‌ കാണുന്ന പ്രേക്ഷകരെ സമ്മതിക്കണം....
കടപ്പാട് : thattukadablog
